By Rohit Kishor
Sab badal jayega iske baad,
ye board exams khatam hote hi,
ek nayi zindagi hmaare saamne hogi,
abhi immaturity se bhre pade the hum sab andar se,
ab kahi se ye maturity bhi lani bhi hogi.
yakin karna thoda mushkil hai,
ki jahaa itne saalon guzaare the,
ab vha se jana padegaa,
har roz ana hua kataa tha jidhar,
ab samne se guzarne par bhi,
mehar guzarna padega.
Samjh nahi aa rhaa,
ki ye kaisi feeling hai,
ek tarf khushiya hai zindagi me aage badne ki,
or dusri taraf sirf mayusi hai,
Apni class, Apna vo playground,
esa lag rahaa hai maano,
sab piche choot rahaa hai,
rakne ki koshish karne ke baad bhi,
yaar ye sab rookna mushkil ho rahaa hai.
Kitni saari yaadain,
kaid hai na idhar?
aaj bhi aankhe num si ho gayi hai hmari,
or yaad hai vo din?
jab rote huai ae the idhar.
Sabki uniform me aaj naam likhe gye,
yadon me rehne k liye,
ek dusre ko numbers baante gye,
ye school ka akhri din hai dosti ka thodi na,
toch me rahenge na yaar,
kuch aise jhoothe hasiin wadain bhi kiye gye.
Naa jane kyun aaj principal sir ki speech,
pehli bar itni ahyaan se suni humne,
or pataa nahi kiyu,
sunte hi aaj,
ankhe bhi num si kar li humne.
Khair ab kya kr skte hai,
sabki zindagi me esa daur aya hai,
yaha hum akele thodi hai,
vakt ke saath saath sab badal jata hai zindagi me,
ye zindagi rukti thodi na hai.
Ab kise pataa hai ke iske baad,
zindagi me phir mulaakat ho na ho,
sab apni zindagi me mashgool ho jaaenge,
kiya pataa phir yaad krne ka vakt,
ho na ho.
Isliye na,
jo ye kuch din bachche hai exams ke bich me,
isme na yaar kuch yaadain bannaate hai,
ji bhar ke ek saath baith kar,
apne vo lamhe,
ek baar phir se jiite hai.
Kyuki aage kuch bhi ho,
par yaar in yaadon ki kami nahi honi chahiye,
kabhi preshaan ho jaye zindagi se,
to yadon ko ek dafaa jii kar,
ye zindagi hume vaisi hi hasiin lagni chahiye.
Khair sab badal jaega na ab,
ye boards exam khatam hote hi,
ek nayi zindagi shuru.
Thank you for Coming.😇😊