By #Shekhar
Mujhe pta hai tum bhid me ho,
bhid jo har waqt raihti hai paas tumhare,
jo kaihti hai hazaaro kahaaniya tumse,
uski yaadon ki bhid, uske khyaalo ka shor,
uska zikr jo aaj bhi kahi bhi kabhi bhi aajata hai,
bhid, jo tumhe koi raasta nhi deti,
jo ulljhaa kar rakti hai tumhe, adhure raaste me uske,
adhuri kahaaniyo me uski,
mai jaanta hu, tum taklif me ho,
taklife jo, raih gyi ittefaak se,
jo raih gyi nakaab si,
jo paas thi ek khwaab si,
or wo khwaab toot gya,
jaise dil ho kisi ka,
wo saath chut gya,
jaise koi rishta ho kisi ka,
ye akelaa-pan raih gya,
jaise ye dost ho kisika,
mai jaanta hu, tum taklife me ho,
ye andhera sone nahi deta hoga tumhe,
ye raate ulajh gyi hongi uski kahaaniyo me,
ye man preshaan rehta hoga,
na jaane kitni shikhaayte ye dil tumse kehta hoga!
ye man preshaan rehta hoga,
or koi jawwaab nhi deta hoga tumhe...
jaise saare jawaab jhoot ho gye,
jo jaante the kabhi wo bhi bezubaan ho gye,
jo jaagte the kabhi raat-raat bhar,
wo din me hi so gye,
koi jawaab nhi deta hoga tumhe...
tumhe zara bhi mehsoos nhi hota kya?
tumhe ye dard nazar nhi aata kya?
jo rehta hai karrib yaha,
jo rehta hai darmiyan,
tumhe apna dard nazar nahi aata kya?
wo chikhe sunaii nhi dagi kisi ko,
jis shor se tum use bulaate raihte ho,
jis shor me tum khud ko sulaate raihte ho,
waha nind kaise aygi tumhe,
toh un manzilo ko jane do,
un raasto ko jaane do...
koi nhi hai ab waha,
kyu bewajha khade ho tum yaha,
kyu rukna kisi ke liye kyu rokna kisi ko,
ye zindagi kahaani hai tumhaari, phir kyu tokna kisi ko,
hai sukun tumhara bhi shayad yahi,
dekho zara gor se, apne paas hi kahi,
rahti hai bohot si khwaaishe tumhari, mai jaanta hu,
tumne bhi dekhe hai sapne apne liye, mai jaanta hu,
tum ghutt rahe ho pall-pall uski yaado me, mai jaanta hu,
or phir bhi bulaa rhe ho use, mai jaanta hu,
haan, kisi ko jaane dena itna assan nhi hota,
haan, kisi ko rok lena bhi itna asaan nhi hota,
kuki jaata bhi wahi hai, jise jana hota hai,
or rukta bhi wahi hai, jise tumhaare sath rehna hota hai,
zindagi me bahot se log piche choot jayge tumse,
or bahot se logo se tumhe aitraaz rahega,
jiski kahaani tumse milti hai na, dost...
shayad buss wahi tumhare paas rahega,
na rone se koi wapas aata hai,
na bulaane se,
na kisi jhoot se,
na kisi bahaane se...
na koi jaadu-tona kaam aata hai,
na kisi ke paagal ho jaane se,
tum kisi ko mana nhi kar skte,
wo ja raha hai, tum use bula nhi skte,
haan beshaq wo paas rahega tumhaare,
lekin tum uske paas ja nhi sakte,
jo hai na buss uske sath raho,
jo jaa raha hai, use jaane do,
jitna feel karna hai karlo,
jitna rona hai in akhon ko rone do,
kuki hoga wahi jo hona hai,
paas rahega wahi, jise raihna hai,
kyu bekaar me phir kisi ke liye rona hai,
ye pyaar ha dost, na koi jaadu-tona hai,
rehti hai bahot si khwaishe tumhari, mai jaanta hu,
tumne bhi dekhe hai apne liye sapne, mai jaanta hu,
or ghutt rahe ho tum pall-pall yaadon me, mai jaanta hu,
phir bhi waapas bula rahe ho use, mai jaanta hu...
jo jaa raha hai na, us jaane do...
kuki wo...
na rone se wapas ayga,
na bulaane se,
na kisi jhoot se,
na kisi bahaane se.
Thank you for reading......