By #Anubhav_Agawal
Kitna Mushkil hota hai na
Ek ladki hona!
Paida hoti hain to, sirf itna
pata chalne par ki ladki hai
wo, ya to maar di jaati hai
ya kahi fef di jaati hai,
or agar bach jaye...
To bhi kaha asaan hoti hai
ek ladki ki zindagi.
Jaise jaise badi hoti hai, 4saal
5saal, 6saal, duniya ki galat
nazrain padna shuru ho jaati hain,
fir wo chahe ghar ke mard ho
ya bahar ke.
Agar in naam ke mardo se
bhi bach jaye to rok-tok
shuru ho jaati hai.
Rok-tok kapdo ko lekar ki,
tumhari dress kitni choti hai,
bahar ka mahaul thik nahi hai,
badi dress pehen le to, tumhe to
kapde paihenne ki akl hi nahi,
itni badi dress bhi koi paihenta hai kiya.
Rang saavla hai to, creams lagaya karo,
tumhe koi ladka pasand nahi karega,
aur agar khilta hua gora rang hai,
ghar me raha karo tum
ghar se bahar mat nikla karo.
Boyfriend? banaane ka soch bhi mat lena,
ghar se nikal denge.
humari naak katwaane ke liye paida hui ho kya?
samaaj ke log kya sochenge.
Dosti sirf ladkiyo tak rakho
zyaada ladko ko dost banaane
ki zarurat nahi hai.
Agar bhai kuch kar raha hai to thik hai,
lekin agar baihen kar rahi hai to mat karo
kyu ki ladki ho tum, wo ladka hain
wo kar sakta hain.
Or ghar walo ke itne rok-tok se
guzarne ke baad bhi wo ghar se
bahar nikle to baahar ki duniya
bhi kaunsi kam kamiini hai.
Bachpan se lekar aaj tak
bhale hi itna pyaar na mila ho,
lekin jis insaan se dil laga bethe
uske liye mar mitne ke liye taiyar ho jati hain,
apna sab kuch us shaqs ke name karne ke liye
tayar ho jati hain.
Kayi ladkiya kayi baar aise
ladko se takra jaati hain jo
inse inki pyaar ki taakat ka
andaaza inke khule jism ko
dekh ke lagaana chahte hain.
Saboot mangte hain utarte
kapdo ke zariye ki jitne kam
kapde honge jism par, utna
zyada pyaar karti ho tum.
Aise logo se dhoka milne par
agar koi dhang ka insaan aa
bhi jaye zindagi mein to sab
fake lagne lagta hai.
Ladkiyo ke dil mein ye baat hum
ladko dwaara hi baitha di jaati hai
ki sabhi ladke ek jaise hote hain.
Ghar walo ne kabhi itni izzat nahi di,
shuru se bojh samjha kyu ki ladkiyo ko
to ek din jaana hi hota hai ghar chhod ke.
Ghar se jis pyaar ki umiid thi
wo nahi mila, wahi pyaar ghaar se
baahar relationships me
dhundne ki koshish kari to
usme bhi nakaamiyabi.
Kahi kisi office mein job
lag jaye to colleaguse se
lekar manager tak, sabki
galat nazro se har roz
guzarna or khud ko
bachaa ke rakhna.
Har mahine ek dard jo
chiikhain nikaal deta hai
lekin fir bhi kisi se shikayat
na karna, chup chaap usye
saihen karna.
Roop chahe koi bhi ho,
ek maa se lekar ek behen tak,
ya ek dost se lekar ek patni tak.
Ladkiya itna kuch saihen karne
ke baad bhi koi shikaayat nahi
karti or bass chahti hain to
sirf itna ki, baraabar samman
thodi si izzat, or thoda pyaar, bas...
Jis ghar mein kheli kudi
badi hoti hain, 25 saal ke
baad usi ghar se parayi
ho jaati hain,
In baato ke zariye main ladkiyo
ko bechara nahi bataana chahta,
balki inki zindagi ka safar
dikhana chahta hun.
Har roop mein apni responsibility
ko har soorat mein nibhaana or
pura 100% dena har rishte mein.
Asaan hai kya?
Ek Ladki Hona.
Inke Hausle Ko Bhi Salaam hai.
Happy women's day to you.
the most strongest and fearless woman.
Thank you....