By #shekhar_pal
Tumhe rokna, mere haqq me nahi hai,
or shayad ye sahi bhi nahi,
Sochta hu kaash tumhe kariib rakh pata,
lekin ye sochna bhi uska hai, meri kismat ka nahi hai,
Mil jaate hai kabhi kabhi aise humsafar bhi
jinka apna ek safar hota hai,
Jis safar me humara sath buss kuch pano ka,
buss utna hi jitna usne chuna hai,
jitna is zindagi me diya hai,
Sambhala hua hai ek-ek din wo,
jo tere shor me chup-chaap guzaara hai,
Jiski nazdhiikiya hum dono ke kariib rahi hai,
rahkhi hui hai wo sapno ki kitaab bhi
jiski kahaniya shayaad ab jhooti hai,
Jise shayad hum dono ne likha tha,
baith kar itminaan se,
Mohabbat ke us kamre me band hoke,
jab bandisho ko azaad kiya tha,
Mera haath pakas kar
jab tumne bhi ehsaas kiya tha,
tablikha tha ye safar, ye kuch panno ka,
ye kahaani jo saath thi abhi tak,
Sirf nazdhiikiya samjh aati thi mujhe,
ye dooriyan kaha thi abhi tak..
Jise maine to nahi likha tha,
jise maine to nahi chuna tha,
Wo dooriya, jo shayad tumhare jyada kariib thi,
jisne tumhe behlaaya fuslaaya or le gyi apne saath,
Ek doosre safar me, ek doosri kahani ke liye,
mujhse door is safar se door,
Kaha se aayi thi ye!
kisne jagah di thi in dooriyo ko?
Shayad meri bhi galti rahi hogi,
samajhne me is safar ko,
tumhe or apne aap ko,
Shayad raha hoga koi masshla
jisme ulajh gya hoga ye dil phir se,
Ya shayad tumhari akhon ki kahaniya hogi,
jinki chaah me ruk gya hoga tumhare sath tumhare kariib,
Kuch kahaniya shayad khatam to ho jaati hai,
lekin kahi na kahi wo raih jaati hai,
Adhoori si, bezaar, khaamosh,
jiska rehna bhi jaruri hota hai,
Jo baar-baar kaihti hai chiikh kar,
ki haan maine pyar kiya tha,
Usse jiski kahaniya sunata hu khudko mai,
jiska shor sunata hu mai aksar...
Jaane diya us raaste ne mujhe,
ye soch ke ki nadaan hu(2),
Jab waapas lauta uski kahaniyo se,
to alvida bhi nahi kaha...(2)
Tumhe rokna shayad,
mere haqq me nahi hai...
Or shayad, ye sahi bhi nahi...
Thank you...