EK LADKI KI EXPECTATION | Poetry

Ek Ladki Kya Expect Karti hai ek ladke se?

Ab har insaan ki kuch na

kuch expectation hoti hi..

hain jab wo aapke saath

relationship mein hote hain.

Isi tarah ladkiyo ki bhi

kuch basic expectations

hoti hain ladko se,

Izzat Karna.

Sabse pehli or sabse zaroori

cheez hoti hai izzat, isi ki buniyad

per ek rishta kayam rehta hai

phir wo chahe dosti ka ho ya

ussey badkar koi relationship.

Izzat Karna.

Aur kabhi bhi izzat mangi nahi

jaati hai, ek insaan dil se aapki izzat

karta hai, aapki, aapki soch ki, aapke

sapno ki, aapke apnoki , aapke

lifestyle ki vagarah vagarah.

Apnana

Chahe wo kaisa bhi insaan hai,

wo jaisa hai usey waisa hi apnana

Bina kisi shikayat ke, bina uski

beizzati kare ya mazaak udaye.

Past

Wo aapse humesha ye chahegi

ki aap apne past ke kisi bhi insaan

jisse ek waqt mein aapki feelings

judi hui thi, uska ab dobara involvement

na ho, na hi aapki taraf se na uski.

Befizul ki bandishein nahin.

Koi bhi shaks aapke sath

relationship mein isliye nahi

aata ki usko ek jail mein band

ho jaana hai, balki wo isliye

aata hai taaki wo aapke

sath khul ke jee sake.

Usko support karo.

Public mein support karo aur

akele mein usey samjhao ki wo

kaha galat hai, sabke samne uske

khilaaf khada hona bhi galat hai.

usko har sahi cheez ke liye support karo, 

usey kabhiii judge mat karo.

Waqt.

Uske liye waqt humesha nikalo

koshish karo ki kabhi aisa na ho

ki aapne usse pura din baat hi nahi ki,

thodi der ke liye hi sahi

par waqt zaroor nikalo.

Efforts dalo.

Sirf apni baato se nahi,

apne Action se bhi mohabbat zahir karo,

unke liye efforts daalo,

baatein sab kar lete hain par

nibhane mein ache acho ki

phatt jaati hai.

Mood swings handle karo
periods ke dauraan.

Aksar ladkiyo ko periods ke dauraan

kaafi takleefo se guzarna padta hai

or us waqt unke mood swings bhi

kaafi hote hain,

To wo us waqt humesha yahi

ezpect karti hain ki unhe

pyaar se or nazzakat se 

sambhala jaye,

na ki unpe cheekha jaye ya lada jaye,

Kabhi Give Up nahi karna.

Aksar situation aisi aa jati hain

jab usko aapki sabse zyada zarurat padti hai,

dhyan rahe, buz-dilo ki tarha yu beech raah mat chhodna.

saath zaroor nibhaana..

Aakhir mein bas pyaar.

Wo aapke saath hai hi isliye ki

wo aapse pyaar karti hai aur

pyaar ke badle mein sirf pyaar hota hai

aur kuch nahi, wo aapse zyada kuch nahi,

bas pyaar chahti hai,

Iss sab ke dauraan bhi agar kisi ladki ki niyat thik nahi

aur wo aapko chhod ke chali gayi kisi aur ke liye,

To koi baat nahi Usne aapko khoya hai Aapne usko nahin.

Hume humesha apna 100% dena chahiye,

fir anjaam chahe kuch bhi ho.

...........Yaad rahe, upar wala sab dekh raha hai,

Ft. Anubhav Agrawal