Phir Kabhi Nahi Milunga Tumse (Poetry)

Phir Kabhi Nahi Milunga Tumse
By Abhash Jha

Tumhe aaj kal zara bhi bhyan nahi aata?

main kis haal mein hoon iss baat ka

bilkul khayal nahi aata?

Mujhe nai acha lagta aise rozz-rozz tumhe

yaad karke tum jii lo apni zindagi khushi se

bas ek baar mujhe aazaad karke

woh message seen karke tumhara

jawab na dena

sach mein bohot dard deta hai

mujhe burra nahi lagna chahiye par fir bhi

kisi aur ke saath dekh ke tumhe

bura toh mehsoos hota hai

mai milne ko betaab baitha hun par tum

kooi aawaaz hi nahi deti

pehle ki tarah pesh aao na!

haan ya na tum kuch bhi

jawab kyun nahi deti

phone mein tumhari tasveer dekh ke

waqt guzaata hoon

tum nahi ho aas-paas main pagalon ki tarha

phir bhi tumhara naam hi pukaarta hoon

uss gali se rozz guzarta hoon

jahan tum pehle raha karti thi yaar

iss ummiid mein kahin dikh jao toh tumse

mil toh paun ek baar

tumhara no. main phone se kabka

delete kar chuka hoon

par dil se mit'ta hi nahin

woh samjhaate rehte hain tumhe chodh

zindagi mein aage badhne ko

tumhare saamne unka kehna zyada der

tikta hi nahi

main tumhe tumhare saamne

bataana chahta hoon that i miss you

ab nahi raha jaata tumhare bina

tumse kahoon bhi toh kaise kahoon

mujhse koi galti huyi hogi

maine kuch theek nahi kiya hoga

toh bataao na, saath mein baith ke suljhaa lete hain

ita door bhi mat jao na mujhse

dard hota hai

chalo na vo saare shikve ho bhi toh

bhula lete hain

mere saath koi ittefaak bhi toh nahi hote

subah ke sapne sab kehte hain

sach ho jaate hain

mere khwaab kyun nahi hote?

koi aur mil gaya hai kya? sahi hai

accha hi to hai jo mere jaisa nahi hai

kyunki tumhe toh zyada pyar ki

aadat nahi hai na

aur main khamakha tumhare liye pagal hu

poori duniya chodh rakhi hai maine

khud se bhi rooth hoon 

ek tumhari yaad ne jood rakha hai bas

andar se toh saara toota hoon

ek baar milne mein harz kya hai

bas ek baar hi toh milna hai

tumhari aankhon mein apna chehra

dekhna chahta hoon

bas itna sa hi toh karna hai

phir dobaara kabhi zikra nahi karunga tumhara

dil or dimmaag se bhi nikaal dungga puri tarha se

chala jaunga door, bahot door

phir kabhi nahi milunga tumse

kabhi nahi milunga tumse

Thanks for reading!!