By #shekhar
Oye, apne saare emotins, saari feelings,
saari wishes, sab pack kar lena,
apni khuwaaishe, apne dreams,
or tumhe kya acha lagta hai or kya nahi,
ye to bhoolna hi mat,
hum ek road trip par jaayge,
mujhe nahi ptaa, ye road trip wala idea
sahi hai ya galat,
or ye shi nahi, ki ye acche se execute hoga,
ya usse paihle jayga palat,
tum ye sab like karoge ya nahi,
mere jaise views rakhoge ya nahi,
but main maan ke chalta hu,
or hum soulmates honge na,
buss isiliy...
meri pasand tumhari pasand,
or tumhaari..hum, meri...
well maine pasand ki baat ki hai,
jo tumhe nahi pasand hoga na,
thopunga nai tumpe,
kyu ki kaise tumhari na pasand ko force kar sakta hu,
tumhaari life, tumhaare tarike, or haan,
tumhaari pasand
or packing karte waqt,
mai aksar samaan bhool jata hu,
khudka khyaal bhi aise hi rakha hai,
buss likhne me doob jata hun,
apni bike, khali road, mai or tum,
or tumhare lehraate baal,
maano jaise saare lamhe,
kuch pall me simatt gye ho,
or kuch na raha ho yaad,
wo waqt bhot kuch sikha dega hume,
kuch tumhare raaz, kuch mere raaz,
sab bataa dega hume,
Aadhe safar me jab kahi ruk-kenge na,
lunch ya dinner ko,
tumhaari aakhen buss dhund rahi hongi mujhe,
jaise jrurat ho kisi saahil ki kisi naay ko,
or saari bhid me mai sirf tumhe najar aaunga,
mere liye sirf tum hogi waha,
laakho ki bhid me bhi, sirf tumme simatt jaunga,
mujhe chayi bohot pasand hai,
jiske bina safar pura hoga hi nahi,
tum mere saamne or chayi ke 2 cup,
tumhaari aakhen meri aakhen,
buss or kuch saath me chahiye hi nahi,
ek chuski chayi ki
or fir mai dono cup badal dunga,
fir tumse puchunga, ab taste badha,
tumhari hassi bohot mayine rakhegi us waqt,
jo btaaygi mujhe, ki tumhe bhi chayi pasand hai,
aisi jagha jaayge
jaha suraj ki kirane doobti hui najar aaye,
maano jaise, wo suraj ke saath
waapas apne ghar jaa rahi ho,
fir mai tumhaare haath pakad kar
puchunga tumse
kya hua? kyu muskura rahi ho?
fir saare raaz bayaa kar denge ek dusre ke,
suraj bhi dhall chuka hoga
or chaand ki halki si roshni me
buss tum or main, or humaari khwaaishe,
saari raat doob jaygi, tum-me or mujh me,
kuch chize kaihkar acchi nahi lagti,
to mai apna haath fold karke piche let jaunga,
sitaaro ke niche, or wait karuga tumhaara,
tum apna sarr mere haath par rakh lena,
or ek smile bhi, main samajh jaunga,
fir thoda karib aayege, main, tum,
tumhare sawaal, mere sawaal,
or baato hi baato me ulajh jayge dono,
na chaand ki fikr, or na kisi or ka khyaal,
ek sath zindagi ke safar me chalne ke liye
ye abse zyaada jaruri hai,
koi khilona na tum ho or na main,
isliye acche se jaan-na bhi jaruri hai,
saari raat buss baate hongi
kya accha lagta or kya nahi,
intezaar karenge subha ki aane ka,
jo chali gyi thi laut kar ghar apne
un suraj ki kirrno ka,
wo din khatam ho jayga
or ek naya din shuru,
lekin main or tum badal chuke honge,
paihle se jyada muskuraana, jyaada, nazdikiya,
or bhi jyada rubarru,
yaadain apne camere se jyada,
apne dilo me save karenge,
jab wo tasviire dhundhali ho jaaygi,
hamari umar ki tarha, baal safed,
or jubaan ladkhadaane lagegi,
tab wo lamhe yaad krenge,
or wo chayi ki chuskiya,
jisme tumhari or meri yaadain ghuli hongi,
jab waapas lautenge na,
tum bike chalaane ki zidd karna,
mai tumhaare piche baith jaunga,
or tum haqq jataana,
mujhe ye zindagi sirf apni hi najro nhi dekhni,
kitni khoobsurat hai tumhaari duniya,
ye tum mujhe dikhaana,
fir raaste me speed breakers aaye,
ya zindagi ke safar me mushkile,
ya raaste bhatak jaaye...
sath rahe, to haasil hogi saari manjile,
ek din khatam ho jayga safar,
rod trip ka ho, ya zindagi ka,
speed breakers bhi aayge,
toh haath pakad lenge ek dusre ka,
suno, hum road trip par jayge...
chaloge na??